By admin2 
Ministrja e Financave, Gordana Dimitrieska-Koçoska, deklaroi se financat publike janë stabile dhe se të hyrat buxhetore po realizohen sipas planit. Në gjashtëmujorin e parë të vitit 2026, të hyrat në buxhet arritën në 169.9 miliardë denarë, ose 8.6 për qind më shumë krahasuar me të njëjtën periudhë të vitit të kaluar. Të hyrat tatimore kapën vlerën e 96.7 miliardë denarëve, me rritje të TVSH-së, tatimit mbi fitimin dhe tatimit mbi të ardhurat personale. Nga ana tjetër, shpenzimet buxhetore arritën në 205.9 miliardë denarë, duke përfshirë pagesat për pensione, shëndetësi dhe mbrojtje sociale. Sipas ministres, shpenzimet kapitale u rritën për 53.5 për qind, duke arritur në 19.4 miliardë denarë, kryesisht për investime në infrastrukturë dhe zhvillim lokal.