By admin7 
Berat Buzhala ka reaguar ashpër ndaj takimit të sotëm të Albulena Haxhiut me partitë e komuniteteve në Kosovë, duke bërë një krahasim të drejtpërdrejtë me mënyrën e funksionimit politik të regjimit të Slobodan Millosheviqit në Serbinë e viteve ’90, raporton Faktiditor.info
Përmes një statusi në Facebook, Buzhala shkroi se një model të tillë të demokracisë e kishte parë më herët në Serbi.
“E kam pa një model të tillë të demokracisë. Në Serbinë e viteve të 90’ta. I ka pas kriju Slloba partitë e veta, ekosistemin e vet, mbajke zgjedhje demokratike 🤣”, shkroi Buzhala.
Ai më tej ironizon qasjen ndaj partive të tjera politike, duke thënë:
“Jepi Babush. Rrasjau partive tjera. Kush të don me i pranu rregullat e lojës, le t’i pranon, kush nuk te don, le te largohet.”
Deklarata e Buzhalës vjen pas takimit të Haxhiut me përfaqësuesit e partive të komuniteteve, në një kohë kur në Kosovë vazhdon përplasja politike rreth formimit dhe funksionimit të institucioneve./Faktiditor.info/