By admin7 
E mërkura e 17 qershorit rezervon emocione të jashtëzakonshme në kuadër të Botërorit 2026. Ethe të vërteta, përplasje gjigandësh dhe dramë që do të zgjasë deri në orët e para të mëngjesit për shkak të diferencës kohore me Amerikën Veriore.
Vëmendja kryesore e mbrëmjes do të jetë pa dyshim në Grupin L, ku luhet një nga kryendeshjet e kësaj faze, ajo mes Anglisë dhe Kroacisë – një duel ballkano-ishullor që premton spektakël dhe luftë të hapur për kreun.
Por, aksioni nis që në orën 19:00 me Portugalinë në fushë dhe nuk ndalet as pas mesnate, duke mbajtur zgjuar të gjithë adhuruesit e futbollit.
Më poshtë gjeni kalendarin e plotë dhe oraret e sakta (sipas kohës sonë lokale) për ndeshjet që do të luhen sot dhe gjatë natës:
Ndeshjet e Mbrëmjes dhe të Pasmesnatës:
⏰ 19:00 | Portugali – Kongo DR (Grupi K)
⏰ 22:00 | Angli – Kroaci (Grupi L) – Kryendeshja e natës!
⏰ 01:00 (Pas mesnate) | Gana – Panamaja (Grupi L)
⏰ 04:00 (Pas mesnate) | Uzbekistan – Kolumbi (Grupi K)
Për të gjithë ata që mund t’i kenë humbur, kujtojmë se në orët e para të mëngjesit të sotëm u mbyllën edhe tri sfidat e para të këtij xhiroje: Irak – Norvegji 1-4, Argjentinë – Algjeri 3-0 dhe Austri – Jordani 3-1.