Elisa Spiropali sfidon Ramën: Më përjashto

Ish-ministrja e Jashtme, Elisa Spiropali ka sfiduar hapur kryeministrin Edi Rama, një ditë pasi ky i fundit e paralajmëroi në mbledhjen e grupit parlamentar socialist, se nëse do vijonte me kritikat në rrjetet sociale, do e përjashtonte dhe do ishte përballë dhe jo më në krah të tyre.
пиломи на вашето тело, веднаш направете го ова
Parazol
Ditën e sotme, Spiropali ka reaguar në Facebook, ku me anë të një statusi të gjatë, ku ka argumentuar qëndrimet e saj brenda partisë dhe pushtetit absolut që ka vendosur Rama, i ka kërkuar kryeministrit që ta përjashtojë.

Postimi:

Më përjashto

Debatet e brendshme, sado të forta, nuk duhet të shndrrohen në spektakël ndëshkimor publik.

Nëse kjo ndodh, problemi nuk është më mospajtimi, është frika nga mospajtimi.

Ky fakt kokëfort, ky konstatim i dukshëm, më tepër se vetë paralajmërimi, më detyron të flas.

Kur paralajmërimi publik bëhet instrument kërcënimi, heshtja nuk është më maturi, është dorëzim.

Nëse qëndrimi im për mënyrën si po funksionon partia, qeveria, shteti, konsiderohet arsye për përjashtim, atëherë po e them qetë dhe qartë: Më përjashto.

Jo si sfidë personale. Jo si dramë politike. Jo si shoë mediatik. Por si provë se problemi nuk është te fjala që ngre shqetësim, por te sistemi që shqetësimin nuk e duron.

Nuk kam sulmuar Partisë Socialiste. Kam kritikuar modelin që në disa aspekte po dëmton edhe Partinë Socialiste.

Kam folur për ndarjen e partisë nga shteti. Për rrezikun që politika të zëvendësohet nga administrimi. Për një logjikë kontrolli. Ku struktura burokratike dhe pushteti administrativ rrezikojnë të marrin vendin e përfaqësimit politik.

Nëse këto konsiderohen arsye për përjashtim, atëherë pyetja nuk është pse flas unë. Pyetja është pse këto gjëra nuk lejohen të thuhen.

Pushteti nuk dobësohet nga kritika. Pushteti dobësohet kur humb aftësinë për vetëkorrigjim.