Kandidatja për deputete nga radhët e Lidhjes Demokratike të Kosovës, Doarsa Kica-Xhelili, ka reaguar pas publikimit të mbi 90 për qind të rezultateve preliminare të zgjedhjeve të 7 qershorit, duke drejtuar kritika ndaj Lëvizjes Vetëvendosje.
Përmes një postimi në rrjetet sociale, Kica-Xhelili tha se pavarësisht shpenzimeve të mëdha dhe politikave që, sipas saj, synonin të fitonin mbështetje elektorale, VV ka pësuar rënie të ndjeshme të votave krahasuar me zgjedhjet e kaluara.
“I dha 200 milionë euro, i humbi 200 mijë vota. Kosovë, Republika ime”, ka shkruar Kica-Xhelili.
Deklarata e saj vjen në kohën kur po vazhdon numërimi i votave dhe rezultatet preliminare po tregojnë performancën e partive politike në nivel vendi.
Postimi i Kica-Xhelilit ka nxitur reagime të shumta në rrjetet sociale, ndërsa debati politik mes partive pritet të intensifikohet pas certifikimit përfundimtar të rezultateve zgjedhore
admin7