By admin4 
Këngëtarja kosovare Leonora Jakupi ka përkujtuar me mall dhe dhimbje babanë e saj, 28 vjet pas ndarjes nga jeta.
Përmes tri fotografive të publikuara në kujtim të tij, Leonora ka ndarë mesazhe prekëse, duke shprehur dashurinë dhe mungesën për figurën e rëndësishme të jetës së saj, shkruan Indeksonline.
“Sa mall kam për ty, engjëlli im babë”, ka shkruar ajo.
Në dedikimin e saj, këngëtarja ka kujtuar se vitet kalojnë, por kujtimi për të atin mbetet gjithmonë i gjallë:
“Ditët e vitet kalojnë e ti vazhdon të mbetesh i freskët në kujtimet e mia… Dora jote akoma përkëdhel flokun tim nga lart! Ti, heroi im, të qoftë i lehtë dheu i Kosovës”!
Babanë e saj ajo e ka cilësuar si mburrjen dhe krenarinë e familjes, duke e përkujtuar me shumë respekt edhe pas 28 vjetësh.
“Ti mburrja dhe krenaria jonë”, ka shkruar Leonora.
Kujtimi i saj për babanë lidhet edhe me dhimbjen e shumë familjeve kosovare që kanë humbur më të dashurit e tyre dhe vazhdojnë t’i nderojnë ata ndër vite./Indeksonline/
