Në fund të tetorit, do të kthehemi në kohën e dimrit. Sipas orarit aktual të Komisionit Evropian, më 25 tetor, orët do të zhvendosen një orë prapa – nga ora 03:00 në orën 02:00.
Ndryshimi do të shënojë kthimin në kohën e dimrit, e cila sipas rregullave aktuale zbatohet në fundjavën e fundit të tetorit, raporton faktiditor.info.
Ndërkohë, koha e verës në vitin 2027 është planifikuar të fillojë më 28 mars, kur orët do të zhvendosen një orë përpara. Ora e verës do të zgjasë deri më 31 tetor 2027.
Megjithatë, orari i publikuar nuk do të thotë se praktika e zhvendosjes së orës dy herë në vit është e garantuar deri në vitin 2031. Nëse Bashkimi Evropian miraton rregulla të reja ndërkohë, ndryshimi mund të hiqet edhe më herët.
Çështja e heqjes së kohës së verës dhe dimrit ka qenë objekt debati në Bashkimin Evropian për vite me radhë. Parlamenti Evropian në vitin 2019 mbështeti një propozim për t’i dhënë fund ndërrimit sezonal të orës, me qëllimin fillestar për ta zbatuar atë që nga viti 2021.
Megjithatë, procesi është vonuar sepse shtetet anëtare nuk kanë arritur një marrëveshje nëse do të ruajnë orën verore apo dimërore.
Sipas rregullave që zbatohen edhe në Maqedoni, ora verore fillon në fundjavën e fundit të marsit, kur në orën 02:00 orët zhvendosen në orën 03:00. Ora dimërore fillon në fundjavën e fundit të tetorit, kur orët kthehen prapa në orën 02:00 nga ora 03:00.
admin7