By admin7 
Kryeministri i Republikës së Maqedonisë së Veriut, Hristijan Mickoski, sot iu përgjigj pyetjes së gazetarëve lidhur me akuzat e Venko Filipçes se na pret një vjeshtë e rëndë energjetike dhe se pritet rritje e çmimit të rrymës.
„Shikoni, supozoj se ata do të vazhdojnë të bëjnë politikë në këtë mënyrë. Ju e mbani mend, ata thoshin se do të falimentonim në 2024, por nuk falimentuam. Pastaj thoshin se sigurisht do të falimentojmë në 2025, por arritëm rezultatin historikisht më të mirë dhe rritje. Tani përhapin të njëjtën tezë se në 2026 sigurisht do të falimentojmë. Ja, u jap përsëri lajm të keq për ta: jo vetëm që nuk do të falimentojmë, por do të shohin gjithnjë e më shumë projekte të tilla si ky, siç po realizohen. Dhe kështu deri në fund të kësaj qeverie, e pastaj edhe pas zgjedhjeve të ardhshme parlamentare, kjo qeveri do të fitojë dhe përsëri do të jetë qeveri.
Gjithashtu, nëse e mbani mend, thoshin se në mars-prill do të vinin migrantë. Nga Britania e Madhe do të vinin migrantë. Ja, tani jemi në mes të korrikut, migrantë nuk ka.
Përsëri përhapën histeri, përsëri u përpoqën të bëjnë politikë në atë mënyrë. Disa ditë po i dëgjojmë se si tregtarit nga Koçani i është hapur dritarja dhe ai ka ikur. Ja, dje u arrestua dhe u dërgua aty ku i takon – në burg. Ashtu siç ata u gjetën në Durrës dhe u sollën këtu.
Ne do të përballemi me një situatë të paqartë nga ana e opozitës. Sa më shumë gënjejnë ata, aq më shumë po fundosën. Dhe qytetarët do të jenë dëshmitarë të kësaj dhe duhet të mësohemi me këtë lloj politike jokreative dhe të papjekur. Ne nuk duhet të merremi me shpërhapje të puplave të tilla. Ne kemi një objektiv dhe duhet të përpiqemi drejt tij. Objektivi ynë është si ta bëjmë jetën më të mirë për qytetarët.
Dhe këtu unë nuk do të kem asnjë dilemë, derisa unë jam kryeministër. Prandaj ky është prioriteti ynë dhe në drejtim të këtij prioriteti do të lëvizin politikat e kësaj qeverie.
Sa i përket komenteve, komenti i mjaftueshëm është se, ja, tashmë po hyjmë në vitin e tretë të mandatit, çmimi i energjisë elektrike për qytetarët jo vetëm që nuk është rritur, por po përpiqemi të gjejmë formulë që nga muaji janar ta ulim. Ndërsa në kohën e qeverisë së LSDM-së dhe BDI-së, ai u rrit për një të tretën – çmimi i energjisë elektrike. Këto janë rezultate të matshme dhe krahasuese me numra. Me këtë ne mund të krahasohemi, e jo me retorikë politike gënjeshtare.“