By admin7 
Këto ditë pas shumë mburrjeve ndodhi ndryshimi i përfolur vredist për rikthimin e dinjitetin e nëpërkëmbur shqiptar, ku Gjykata Kushtetuese e državës solli vendimin e njëanshëm kundër vullnetit të shumicës së qytetarëve të Tetovës, t’i kthej emrat e sistemit të perënduar jugosllav në rrugët dhe sheshet e qytetit, si emri i diktatorit Tito dhe emrin e armatës famëkeqe JNA, që shkaktoi gjenocid ndaj boshnjakëve në masakrën e Srebrenicës.
Kjo është politika shoviniste e botës serbe e ulur këmbëkryq në bordellon qeveritare të premierit serbofil Micko, por edhe në Tetovë në kabinetin e kuislingut Bilal Kasami, që po pret krahë hapur botën serbe duke pranuar jo vetëm donacione nga ata por edhe ndërtimin e një kishë si kalë Troje të botës serbe në trojet tona.
Me këtë politikë antishqiptare në komunat me shumicë shqiptare si Tetova dhe Struga kanë ngelur mangut vendosja e emrave të Aleksandër Rankoviqit dhe të Sllobodan Millosheviqit, ku kuislingët Kasami dhe Kira nuk dalin dot kundër shefit të tyre Micko, duke ndenjur rahat në fotele si “gradonaĉallnikët” e zgjedhur me votat e komitëve.
Në një vend demokratik ku respektohet vullneti i shumicës të qeverisjes lokale, pushteti qendror nuk mund të marrë vendime te njëanëshme si Gjykata Kushtetuese e Severnistanit që vendos njëanshem sipas dëshirave dhe vullnetit politik të despotit të tyre mbi vullnetin e qytetarëve në komunat me shumicë shqiptare.
Ata dashamirës e botës serbe mund t’i ruajnë emrat e diktatorëve të tyre në komunat me shumicë maqedone për t’ia shuar nostalgjinë që kanë per diktatorët e një regjimi te urryer per shqiptarët, le të “kënaqen”, por jo në komunat me shumicë shqiptare ku shqiptarëve i kujton kohën e qoftelargut, dhunën dhe persekutimin mbi baza etnike të shqiptarëve në mozaikun e Federatës së imponuar jugosllave.
Fundja, këta lolot vrediste i kemi “peshqesh” nga Albin Kurthi, si kumbar i krushqisë mes VREDI-t dhe VMRO-së!
A ishte ky ndryshimi i vredistëve për rikthimin e dinjitetit të nëpërkëmbur shqiptar apo rikthimi së prapthi dhe vendosja e “botës serbe” në bordellon qeveritare dhe nëpër komunat me shumicë shqiptare, ku me kryekomunarë të përzgjedhur nga kryekomiti Micko erdhi ndryshimi me botën serbe në një sofër?
Medai Shaholli