By admin7 
Mbrëmë në Tetovë u protestua për dinjitetin e nëpërkëmbur shqiptar nga emërtimet e dhunshme të rrugëve dhe shesheve të pushteti qendror dhe lokal, megjithëse modeste, ajo i tëmbi hyzmeqarët e pushtetit, duke nisur kështu një fillim të mbarë për rikthimin e dinjitetit kombëtar dhe për t’i refuzuar reliktet e së kaluarës si figura të dëshmuara antishqiptare nëpër qytetet me shumicë shqiptare.
Vetëm puthadorët vredistë të Bilit të vockël me sherrin e madh nuk dolën, nuk dolën pasi ata nuk kishin sesi të dalin kundër vetvetes për bëmat dhe gjëmat që i kanë shkaktuar shqiptarëve jo vetëm në Tetovë, por në mbarë vendin.
Prandaj, ky është fillimi dhe karvani i protestave që duhet vazhduar në mbarë vendin në qytetet me shumicë shqiptare, që nga Struga në Kumanovë, duke protestuar për lirimin e rrugëve dhe shkollave nga gjarpërinjtë e ngordhur, por gjithsesi mbeten helmues për ambientin e qytetarëve si druže Tito dhe Ivo Llolla Ribar, Bllagoja Toska apo JNA dhe Bihačka etj., duke iu kthyer emrave nga kultura dhe historia jonë kombëtare.
Heshtja dhe pranimi i realitetit të hidhur aktual me puthadorët lokal dhe ata në pushtetin qëndror do të kenë pasoja të pariparueshme për gjeneratat e reja!
Vazhdimi i protestave është zgjim i ndërgjegjes kombëtare dhe rikthimi i identiteti dinjitetit të nëpërkëmbur kombëtar, ndaj nuk duhet ndalur deri në flakjen e qelbësirave nga rrugët dhe shkollat tona, në të kundërtën, pranimi i status kuosë do të thotë kapitullimin dhe miratim vullnetar i skllavërisë me zinxhirë demokracie!
Medai Shaholli