Policia e Kosovës ka njoftuar se po vazhdon angazhimin e kapaciteteve të saj njerëzore dhe logjistike për garantimin e rendit dhe sigurisë gjatë protestës së paralajmëruar për sonte në orën 21:00 në sheshin qendror të Prishtinës, në kundërshtim të aktgjykimit të Gjykatës Speciale në Hagë.
Policia ka theksuar se pas protestave të qeta, disa pjesëmarrës, përfshirë persona me maska, kanë vazhduar lëvizjet me automjete nëpër kryeqytet, duke i cilësuar disa prej këtyre vozitjeve si të pakontrolluara dhe të rrezikshme për pjesëmarrësit në trafik dhe këmbësorët.
Sipas Policisë, veprimet në terren kanë për qëllim parandalimin e vozitjeve të rrezikshme, mbrojtjen e jetës së qytetarëve dhe lehtësimin e qarkullimit.
Policia ka deklaruar se pretendimet në rrjetet sociale se qytetarët po ndalohen apo ndëshkohen për shkak të flamujve të UÇK-së, duke thënë se nuk është ushtruar dhunë apo marrë masë ndaj askujt për shkak të simboleve historike kombëtare ose të UÇK-së, por vetëm për shkak të shkeljeve ligjore. /Gazeta Express
admin7