By admin7 
Policia e Kosovës ka njoftuar për një rast të shkaktimit të rrezikut të përgjithshëm që ka ndodhur në Prishtinë, më 30 gusht 2026, rreth orës 01:10.
Sipas policisë, dy ankues kanë deklaruar se persona të panjohur kanë hedhur një mjet shpërthyes, që dyshohet të ketë qenë granatë, në oborrin e shtëpisë së njërit prej tyre.
Si pasojë e shpërthimit janë dëmtuar muret e dy shtëpive dhe një automjet, transmeton IndeksOnline.
Policia ka bërë të ditur se nuk ka persona të lënduar, ndërsa njësitë relevante kanë dalë në vendin e ngjarjes.
Rasti është duke u hetuar./IndeksOnline/