Stuhi, shi dhe bubullima në shumë rajone – ja si do të jetë moti sot

Vendi gjatë ditës së sotme do të përballet me mot të ndryshueshëm dhe jostabil, i shoqëruar me reshje lokale të rrëmbyeshme shiu dhe bubullima.

Sipas parashikimeve meteorologjike, në disa rajone priten procese më intensive atmosferike me reshje më të dendura, bubullima të shpeshta dhe erë të fortë nga drejtimi verior. Autoritetet apelojnë qytetarët të jenë të kujdesshëm gjatë lëvizjes dhe aktiviteteve në ambiente të hapura.

Reklame

Temperaturat minimale do të lëvizin nga 7 deri në 12 gradë Celsius, ndërsa maksimalet do të arrijnë nga 18 deri në 23 gradë.

Në Shkup moti do të jetë i paqëndrueshëm me reshje të rrëmbyeshme shiu dhe bubullima gjatë ditës. Do të fryjë erë mesatare deri e fortë nga veriu, ndërsa temperatura minimale do të jetë 12 gradë, kurse maksimalja do të arrijë deri në 21 gradë Celsius.