Gjermania – Gjasat që AfD të sigurojë një shumicë absolute po rriten, sipas projeksionit të fundit të publikuar nga ARD.
Në parashikimin e orës 22:49, AfD renditet në 44,0 për qind, duke shënuar një rritje prej 23,2 pikësh.
Në anën tjetër, CDU ka pësuar një rënie të ndjeshme dhe zbret në 17,5 për qind, ose 19,6 pikë më pak.
Partitë e tjera që, sipas projeksionit, kalojnë pragun prej 5 për qind janë:
SPD: 9,2%
Të Gjelbrit: 8,9%
Die Linke: 8,6%
BSW: 5,1%
Ndërsa FDP, me vetëm 2,5 për qind, mbetet jashtë parlamentit të landit.
Një rezultat prej 44 për qind për AfD-në do të përbënte një tronditje të madhe politike dhe do të hapte diskutime të forta mbi balancat politike në Gjermani.
Shënim: Bëhet fjalë për një projeksion, jo për rezultatin përfundimtar zyrtar. Rezultati mund të ndryshojë gjatë numërimit të votave.
admin 
admin7