By admin 
Partia Socialdemokrate (PSD) ka siguruar rreth 1 mijë e 900 vota në zgjedhjet e fundit parlamentare, duke mbetur larg pritjeve për një rezultat më të favorshëm.
Pas publikimit të rezultateve preliminare, ka reaguar kandidatja e PSD-së, Natyra Kuçi, e cila pranoi se partia nuk arriti objektivin e saj elektoral, por theksoi se angazhimi dhe bindjet politike të PSD-së mbeten të pandryshuara.
“Nuk arritëm rezultatin që dëshiruam. Kjo është e qartë dhe nuk e anashkalojmë. Por besimi ynë në bindjet dhe vlerat që kemi përfaqësuar mbetet i palëkundur. Faleminderit të gjithëve që na mbështetën. PSD vazhdon”, ka shkruar Kuçi në reagimin e saj.
Pavarësisht rezultatit modest në këto zgjedhje, përfaqësuesit e PSD-së po insistojnë se do të vazhdojnë aktivitetin politik dhe angazhimin publik në mbrojtje të kauzave dhe vlerave që përfaqësojnë.
Rezultatet përfundimtare pritet të certifikohen pas përmbylljes së të gjitha procedurave zgjedhore.
admin7