By admin7 
Kryeministri në detyrë, Albin Kurti, e ka cilësuar hapjen e bazës operative të Wizz Air në Aeroportin Ndërkombëtar të Prishtinës “Adem Jashari” si një investim të rëndësishëm dhe dëshmi se Kosova po shihet gjithnjë e më shumë si një vend i besueshëm për investime.
Ai tha se vendosja e bazës dhe sjellja e avionit të ri me kapacitet prej 239 ulësesh do të kontribuojnë në rritjen e lidhjeve ajrore, shtimin e konkurrencës dhe uljen e çmimeve të biletave për qytetarët.
Kurti theksoi se Aeroporti i Prishtinës ka shënuar rritje të vazhdueshme të numrit të pasagjerëve, duke arritur në rreth 4.6 milionë udhëtarë dhe duke iu afruar shifrës prej 5 milionësh.
Sipas tij, zgjerimi i rrjetit të fluturimeve do të forcojë lidhjet me mërgatën, do të nxisë turizmin, biznesin dhe investimet, ndërsa ritheksoi se Qeveria synon të sjellë më shumë kompani ajrore, më shumë destinacione dhe bileta më të përballueshme për qytetarët.