By admin7 
Më 12.07.2026, rreth orës 19:35, në rrugën Tetovë–Gostivar, pranë nyjës së Vrapçishtit, zyrtarët policorë të Njësisë Mobile për Siguri në Komunikacion pranë Sektorit për Punë të Trafikut të MPB-së, me automjetin special “Interceptor”, kanë regjistruar një automjet që lëvizte me shpejtësi prej 179 km/h, në një segment rrugor ku shpejtësia maksimale e lejuar është 80 km/h.
Me urdhër të prokurorit publik, drejtuesi i automjetit, L.M. (27) nga Tetova, është privuar nga liria, ndërsa automjeti “Mercedes” me targa të Tetovës është konfiskuar për procedurë të mëtejshme.
Ndaj L.M. janë ndërmarrë masat përkatëse dhe ai do të përballet me sanksionet e parapara me nenin 297-a të Kodit Penal të Republikës së Maqedonisë së Veriut.
Nga MPB njoftojnë se kontrollet në komunikacion do të vazhdojnë edhe në periudhën e ardhshme në të gjithë territorin e vendit, me qëllim sanksionimin e shkelësve, rritjen e sigurisë në rrugë dhe mbrojtjen e të gjithë pjesëmarrësve në komunikacion.
Policia u bën apel të gjithë pjesëmarrësve në komunikacion që të respektojnë rregullat dhe dispozitat e trafikut, duke kontribuar së bashku për rrugë më të sigurta.