By admin 
Pas ditëve përvëluese që kanë përfshirë vendin, qytetarët do të ndiejnë sot një freskim të lehtë të motit. Sipas parashikimeve të Administratës Hidrometeorologjike, dita do të karakterizohet nga mot kryesisht me diell dhe vranësira të pakta lokale, ndërsa temperaturat do të jenë dukshëm më të ulëta krahasuar me ditët e fundit.
Temperaturat e mëngjesit do të lëvizin nga 7 deri në 17 gradë Celsius, ndërsa ato maksimale gjatë ditës do të arrijnë nga 25 deri në 33 gradë.
Në Shkup, moti do të jetë kryesisht me diell, i shoqëruar me erë të lehtë nga veriperëndimi. Temperatura minimale do të zbresë në 13 gradë, ndërsa ajo maksimale do të arrijë deri në 32 gradë Celsius.
Megjithatë, kjo qetësi nuk do të zgjasë shumë. Meteorologët paralajmërojnë ndryshim të motit nga dita e martë, kur në disa zona do të ketë reshje lokale shiu. Situata pritet të bëhet më intensive të mërkurën, me reshje të rrëmbyeshme, bubullima dhe erëra të forta në disa rajone të vendit.
Nga e enjtja, moti pritet të stabilizohet sërish pjesërisht, me vranësira të ndryshueshme dhe intervale me diell.
Qytetarët këshillohen të shfrytëzojnë ditët e fundjavës me mot të këndshëm, pasi mesi i javës mund të sjellë surpriza nga qielli.
admin4