By admin7 
Berat Gjimshiti ka nisur një aventurë të re në karrierë, por përveç transferimit te Al Diriyah FC, vëmendje të madhe po merr edhe paga e mbrojtësit të Kombëtares së Shqipërisë.
Sipas raportimeve, Gjimshiti do të përfitojë rreth 4 milionë euro në vit nga kontrata me klubin saudit, e cila raportohet se është e vlefshme deri në qershor të vitit 2028, shkruan Indeksonline
Kjo shifër nënkupton se kapiteni i Shqipërisë do të marrë afërsisht:
4,000,000 € në vit
333,333 € në muaj
76,923 € në javë
10,959 € në ditë
456 € në orë
7.6 € në minutë
Pra, Gjimshiti do të arkëtojë rreth 77 mijë euro çdo javë, nëse shifra e raportuar prej 4 milionë eurosh përfaqëson pagën e tij vjetore.
Transferimi te Al Diriyah vjen pas një periudhe të gjatë te Atalanta, me klubin saudit që raportohet se ka paguar rreth 3 milionë euro për kartonin e mbrojtësit shqiptar.
Kontrata deri në vitin 2028 do t’i garantonte Gjimshitit rreth 8 milionë euro vetëm nga pagat përgjatë dy viteve të kontratës, pa llogaritur bonuse apo përfitime të tjera eventuale./Indeksonline/