Ish-banori i “Big Brother VIP Kosova”, Eduard Kuçi, është rikthyer në rrjetet sociale pas përleshjes me Joz Markun, ngjarje që bëri bujë në mediat kosovare.
Kuçi ka publikuar së fundmi një fotografi në llogarinë e tij në Instagram, ku shfaqet pranë një automjeti luksoz. Ndryshe nga një publikim i mëparshëm, këtë herë ai nuk ka bërë të ditur vendndodhjen ku ndodhet.
Rikthimi i tij në rrjetet sociale vjen më shumë se një javë pasi kishte mbyllur përkohësisht llogarinë në Instagram, pas përleshjes me Joz Markun.
Ndërkohë, përplasja mes dy ish-banorëve të “Big Brother VIP Kosova” vijon të jetë në qendër të vëmendjes. Gjykata i ka caktuar Joz Markut masën e arrestit shtëpiak.
Në anën tjetër, Eduard Kuçi është shpallur në kërkim nga policia për veprën penale “moskallëzim i krimit”. Sipas hetimeve, ai nuk e kishte kallëzuar fillimisht ngjarjen në polici, duke e përshkruar situatën si një konflikt të shkaktuar nga bllokimi i rrugës me automjet.
Publikimi i fundit në Instagram shënon rikthimin e Kuçit në aktivitetin e tij në rrjetet sociale, ndërsa ai nuk ka dhënë detaje të tjera lidhur me vendndodhjen apo situatën e tij aktuale.
admin4