Nënkryetarja e Kuvendit të Kosovës dhe sekretarja e PDK-së, Vlora Çitaku, ka reaguar pas protestës së mbajtur sot në Prishtinë në mbështetje të ish-krerëve të UÇK-së që po gjykohen në Hagë.
Përmes një postimi në rrjetet sociale, Çitaku ka komentuar edhe mbulimin e ndërtesës së Qeverisë me simbolin e UÇK-së pas protestës.
Sipas Çitakut, UÇK-ja ka nevojë për mbrojtje shtetërore, jo për instalacione e fjalë boshe
Postimi i plotë:
Sonte, pas protestës popullore, ndërtesa e Qeverisë qenka mbuluar me simbolin e UÇK-së.
Mirë shumë.
Por, ka 16 ditë e 16 net që sheshet po buçasin anë e kënd Kosovës, e kudo në diasporë ku ka shqiptarë: Jo në Emrin Tim.
Dhe kërkesa drejtuar Albin Kurtit është e qartë: silleni ligjin në Kuvend dhe votojeni. Pa humbur kohë.
UÇK-ja ka nevojë për mbrojtje shtetërore, jo për instalacione e fjalë boshe.
Vepra, Albin. Jo fjalë./Indeksonline/
admin7