Rusia po shton përpjekjet për të vrarë drejtues të kompanive të industrisë së mbrojtjes në vende të ndryshme të Evropës. Lajmi bëhet i ditur nga gazeta britanike Financial Times, e cila citon përfaqësues të pesë shërbimeve të ndryshme evropiane të inteligjencës.
Sipas zyrtarëve të inteligjencës, Kremlini ka urdhëruar zgjerimin e operacioneve të sabotimit dhe të veprimeve të fshehta në Evropë, me qëllim dobësimin e mbështetjes perëndimore për Ukrainën.
Raporti thekson se vrasja e civilëve evropianë, një veprim që dikur konsiderohej i papranueshëm edhe për shërbimet sekrete ruse, po merr gjithnjë e më shumë rëndësi në planet e Moskës.
Sipas burimeve të cituara nga Financial Times, kjo tregon një përshkallëzim të përpjekjeve ruse për të ushtruar presion ndaj vendeve evropiane dhe për të dobësuar mbështetjen e tyre për Kievin, në një kohë kur lufta në Ukrainë vijon të mbetet një nga çështjet kryesore të sigurisë në Evropë.
admin7 
admin5