LSDM njofton se autoritetet e reja në Serbi kanë kërkuar nga prokurorja e lartë publike Zagorka Dolovac dhe nga Prokurori për krimin e organizuar Mladen Nenadiç që të hapin procedurë bazuar në mesazhet e publikuara të Sky.
– Kërkojnë që të hetohen lidhjet e Aleksandar Vuçiçit me grupin kriminal të Darko Shariçit dhe Veljko Belivukut. Korrespondenca e Sky ndodhet në Ministrinë e Punëve të Brendshme, e marrë nga Europoli. Autoritetet franceze njoftuan se nga 1 dhjetori nuk do të pranojnë më kërkesa për të dhëna nga Sky. Prandaj kërkohet që menjëherë të hapet hetimi dhe të mblidhet dokumentacioni. Në ato korrespondenca Vuçiç njihet si “Oskar” – shefi i mafias. Djali i tij i rritur si person kontakti që merrte pagesë mujore nga karteli.
Këto nuk janë spekulime. Këto janë dokumente që tani kërkohet të hapen. I njëjti Vuçiç që në Maqedoni së pari e solli Mickoskin në pushtet, e pastaj e mori vetë. I njëjti që solli bashkëpunëtorë të BIA-s në qeveri. I njëjti që solli Euronews pa leje, grupin Alo dhe Informer. I njëjti që përmes Alta Bankës hapi lavanderinë për pastrimin e parave nga krimi, korrupsioni dhe droga. I njëjti që i dha Macurës kredi, ndërsa Mickoski i dha leje dhe para nga ndërmarrjet publike. Mickoski nuk është vetëm partner. Mickoski është pjesë e së njëjtës grup kriminal të organizuar. VMRO është parti motër e SNS-së. Kur bie “Oskar”, bie edhe kukulla. Kur hapen mesazhet e Sky në Beograd, hapen edhe transaksionet në Manastir. Kur arrestohen njerëz nga policia dhe regjimi në Serbi, hapet pyetja se kush i sillte urdhrat në Shkup, reagon LSDM.
Sipas partisë opozitare, Prokuroria në Maqedoni duhet të reagojë.
– Ju dhatë betimin ndaj qytetarëve, jo ndaj kësaj mafie. Nëse vazhdoni ta mbroni bandën, do të përgjigjeni së bashku me të – thonë nga LSDM.
admin7