Ligji për Dhomat e Specializuara të Kosovës pritet të hidhet sot në votim në Kuvendin e Kosovës, pas diskutimeve dhe dakordimit ndërmjet Lëvizjes Vetëvendosje (LVV) dhe Partisë Demokratike të Kosovës (PDK).
Gazetarja Bellagoshi, duke raportuar nga Kuvendi, ka bërë të ditur se palët janë pajtuar që ligji të votohet me përmbajtjen aktuale, pa ndryshime, ashtu siç është kthyer nga presidentja Justina Shiroka-Pula.
Sipas raportimit të saj, LVV-ja ka kërkuar mbështetjen e PDK-së për votimin e këtij versioni, ndërsa PDK-ja ka shprehur gatishmërinë për ta mbështetur, duke paralajmëruar se të hënën do të paraqesë një nismë të veçantë ligjore për ndryshimet e kërkuara.
Ligji është vendosur në pikën e 11-të të rendit të ditës dhe pritet të votohet gjatë vazhdimit të seancës parlamentare.
Megjithatë, përmbajtja konkrete e ndryshimeve që PDK-ja synon të propozojë të hënën ende nuk është bërë publike dhe nuk është diskutuar gjatë seancës së sotme.
Votimi nuk pritet të zhvillohet menjëherë, pasi Kuvendi fillimisht do të vazhdojë me shqyrtimin e pikave të tjera të rendit të ditës, përfshirë interpelancën e ministrit të Shëndetësisë, Arben Vitia.
admin 
admin7