By admin5 
Jimmy Kimmel ka reaguar pas kritikave të presidentit Donald Trump për shakanë e tij kundrejt Melanias, të cilën e quajti “vejushë e ardhshme.” Moderatori e tha këtë gjatë programit të tij të mbrëmjes, vetëm pak ditë para se të ndodhte sulmi me armë në darkën e Shoqatës së Korrespondentëve të Shtëpisë së Bardhë.
Kimmel e quajti shakanë “thumb të lehtë” për diferencën 23-vjeçare në moshë mes presidentit dhe bashkëshortes së tij.
“Zonja jonë e Parë, Melania, është këtu. Shikojeni Melanian, kaq e bukur. Zonja Trump, shkëlqeni si vejushë e ardhshme,” tha Kimmel gjatë skeçit të së enjtes në mbrëmje.
Në monologun e tij të parë në “Jimmy Kimmel Live!” pas të shtënave, komediani tha se shakaja ishte “një thumb shumë i lehtë për faktin që Presidenti Trump është pothuajse 80 vjeç dhe ajo është më e re edhe se vete moderatori“.
“Nuk ishte në asnjë mënyrë një thirrje për atentat dhe ata e dinë këtë, unë kam qenë shumë i zëshëm për shumë vite duke folur kundër dhunës me armë në veçanti. Jam dakord që retorika e urrejtjes dhe e dhunës është diçka që duhet ta refuzojmë, mendoj se vendi nga duhet t’ia nisni për këtë është të bisedoni me bashkëshortin tuaj”, tha gazetari, Jimmy Kimmel.
Pas skeçit, Melania Trump e akuzoi Kimmel për përdorimin e “gjuhës së urrejtjes dhe dhunës”. Teksa tha me tej se ai monolog për familjen e saj nuk është komedi , Melania i cilësoi fjalet e Kimmel si gërryese dhe që thellojnë sëmundjen politike brenda Amerikës.
“Si mund ta lejojnë drejtuesit e ABC sjelljen e tmerrshme të Kimmel në kurriz të komunitetit tonë”, tha ndër të tjera Melania.
Presidenti kërkoi shkarkimin e tij nga emisioni, një moment që riktheu në vëmendje përplasjen mes tyre në shtator, pas një shakaje të Kimmel për vrasjen e Charlie Kirk.