By admin1 
Presidenti rus Vladimir Putin ka premtuar hakmarrje pasi akuzoi Ukrainën për kryerjen e një sulmi vdekjeprurës ndaj një konvikti studentor në një pjesë të pushtuar të Ukrainës lindore.
Gjashtë persona u vranë dhe 39 të tjerë u plagosën nga sulmi i natës në qytetin Starobilsk, në rajonin e Luhanskut, tha Putin. Edhe 15 persona të tjerë rezultojnë të zhdukur.
Ushtria ukrainase tha se kishte goditur selinë e njësisë elitare ushtarake të dronëve “Rubicon” të Rusisë në Starobilsk. Ajo nuk sqaroi nëse bëhej fjalë për të njëjtën ndërtesë që Rusia identifikoi si objektivin e sulmit, shkruan BBC, transmeton Sinjali.
“Nuk ka objekte ushtarake, objekte të shërbimeve inteligjente apo shërbime të lidhura me to në afërsi”, tha Putin në Moskë.
“Prandaj, nuk ka absolutisht asnjë bazë për të pretenduar se municionet goditën ndërtesën si rezultat i sistemeve tona të mbrojtjes ajrore apo luftës elektronike”, deklaroi ai gjatë një pritjeje në rezidencën e tij në Kremlin të premten.
Ai urdhëroi ushtrinë ruse të përgatisë “propozimet” për mënyrën se si do të hakmerret.
Lideri rus tha se sulmi ukrainas ishte kryer në tri valë duke përdorur 16 dronë.
admin7 
admin2