By admin1 
Një fenomen spektakolar meteorologjik, i njohur si “ylberi i reve”, është regjistruar në Indonezi dhe ka tërhequr vëmendjen e përdoruesve të rrjeteve sociale pas shpërndarjes së videove që tregojnë qiellin me ngjyra të pazakonta.
Sipas raportimeve, ngjarja ka ndodhur më 1 maj në distriktin Jonggol, në regjencën Bogor, ku banorët kanë vërejtur një pamje të rrallë në qiell, me re që dukeshin të “veshura” me nuanca të ndryshme.
Në pamjet e publikuara, retë ndryshojnë ngjyrë duke shfaqur tone rozë, jeshile dhe blu, duke krijuar një efekt të ngjashëm me ylberin. Videoja u shpërnda gjerësisht në platformën X, ku disa përdorues dyshuan fillimisht se mund të ishte e krijuar nga inteligjenca artificiale, ndërsa të tjerë konfirmuan se bëhej fjalë për një fenomen real.
Sipas ekspertëve meteorologjikë, fenomeni ndodh kur rrezet e diellit difraktohen dhe ndërveprojnë me pika shumë të vogla uji ose kristale akulli në atmosferë, duke krijuar ngjyrat karakteristike në re.
Edhe pse nuk është jashtëzakonisht i rrallë, ky fenomen kërkon kushte specifike atmosferike, ndaj regjistrimi i tij mbetet gjithmonë mbresëlënës. Klima tropikale dhe lagështia e lartë në Indonezia krijojnë shpesh kushtet e përshtatshme për shfaqjen e këtij efekti natyror.
Stunning video shows an ultra rare phenomenon of iridescent clouds, which appears when sunlight interacts with lingering raindrops in the air after it rains. pic.twitter.com/x6iXnMOS1o
— The Weather Channel (@weatherchannel) May 3, 2026
admin7