By admin7 
Fermeri austriak kaloi tre vjet duke krijuar një armaturë për mbrojtjen e deleve nga ujqërit
Rudolf Schaubach, nga qyteti Villach në jug të Austrisë, mori idenë për të krijuar një parandalues me rrjetë për delet për shkak të numrit gjithnjë e më të madh të sulmeve nga ujqërit në vendin e tij dhe në Gjermaninë fqinje.
Pas tre vitesh punë, ai më në fund arriti te një prototip që mund të përdoret. Deri para pak kohësh, ai e ka testuar atë në fermat e Alpeve austriake, derisa projekti shkaktoi polemika mes mbarështuesve të deleve.
Një armaturë që duhet të lëndojë në kafshimin e parë, por pa e penguar delen të kullosë
Ideja e Schaubach ishte e thjeshtë: të shpiste një lloj mbrojtjeje që e mbron delen nga kafshimet e ujkut, duke i lejuar asaj në të njëjtën kohë të lëvizë dhe të ushqehet lirshëm.
Ai krijoi një rrjetë të lehtë plastike të mbuluar me gjemba të mprehtë. Sipas tij, këta gjemba do t’i shkaktonin ujkut dhimbje të mjaftueshme për ta zmbrapsur atë nga një tentativë e dytë.
„Nuk besoj se do të tentonte ta kafshonte delen për herë të dytë“
Schaubach tvrdon se shpikja e tij mbështetet në sjelljen e vetë predatorit (grabitqarit), dhe jo vetëm në pengesën fizike.
„Ujku është një kafshë inteligjente, nuk besoj se do të tentonte ta kafshonte delen për herë të dytë“, u ka deklaruar shpikësi gazetarëve austriakë.
https://youtu.be/ic7VTo8Vxq8?si=uUghQFJmzYUYOnsx
Rene Krieger ka rreth 1.000 dele dhe thotë se ideja është „jopraktike“ dhe „e dëmshme“
Reagimet nga publiku dhe nga mbarështuesit e deleve kanë qenë kryesisht negative. Shumë prej tyre e kanë vlerësuar armaturën si jopraktike për shkak të kostove totale, por edhe si joefektive për ndalimin e sulmeve nga ujqërit.
Rene Krieger nga qyteti Wersbe, i cili mban rreth 1.000 dele, e ka hedhur poshtë idenë e Schaubach si „jopraktike“ dhe „të dëmshme“ për kafshën.
Ai paralajmëroi se leshi i deles me kalimin e kohës mund të ngatërrohet në rrjetë, dhe se ujqërit, në vend që të dorëzohen, në fund do të ndryshonin taktikë dhe do të sulmonin pjesët e ekspozuara të trupit, si këmbët ose kokën.
Gina Strampe pyet se kush mund të veshë qindra ose mijëra kafshë me rrjetë plastike
Skepticizëm ka shprehur edhe Gina Strampe nga Shoqata për Mbarështimin Bujqësor të Saksonisë së Poshtme.
Ajo pretendoi se rrjeta mbrojtëse e Rudolf Schaubach për delet nuk është një zgjidhje financiarisht e qëndrueshme, pasi askush nuk mund t’i lejojë vetes të veshë qindra apo edhe mijëra kafshë me rrjetë plastike.
Një dele e ka mbajtur rrjetën për disa ditë, por asnjë ujk nuk e ka testuar ende
Rudolf Schaubach deri më tani i hedh poshtë të gjitha kritikat. Ai thotë se njerëzit e vlerësojnë armaturën e tij për delet vetëm pasi kanë parë fotografi, në vend që t’i japin një shans në praktikë.
Edhe pse ai vetë ende nuk e ka testuar atë në kushte reale për të parë se si do të shfaqej gjatë një sulmi nga ujku, ai ua ka vendosur atë deleve. Sipas tij, një dele e ka mbajtur rrjetën mbrojtëse për disa ditë pa asnjë problem, ka lëvizur dhe ka ngrënë normalisht.
Pas polemikave në rritje rreth shpikjes së tij, Schaubach ka ndërprerë testimin në Austri dhe hëpërhë po kërkon mundësi për ta provuar atë në ndonjë vend tjetër.
admin4