Kryeministri i Kosovës, Albin Kurti, pret që qeveria e re në Serbi ta njohë pavarësinë e Kosovës, duke e cilësuar këtë si testin themelor të demokracisë në shtetin fqinj.
Në një intervistë për Radio France Internationale (RFI), Kurti ka shprehur shpresën se Lista Studentore, e cila doli e para në zgjedhjet parlamentare të 25 tetorit në Serbi, do ta pranojë realitetin dhe do të angazhohet për normalizimin e marrëdhënieve me Kosovën.
Megjithatë, kryeministri ka pranuar se ende nuk dihet saktësisht se cilat janë orientimet politike të fituesve të zgjedhjeve, për shkak të dallimeve që ekzistojnë brenda kësaj lëvizjeje.
“Testi i parë i demokracisë do të jetë njohja e Kosovës”, Kurti flet për Listën Studentore që mposhti Vuçiqin
“Besoj se është pikërisht njohja e pavarësisë së Kosovës ajo që do të jetë testi themelor i demokracisë në Serbi. Një Serbi demokratike do ta njohë pavarësinë e Kosovës”, ka deklaruar Kurti.
“Besoj se është pikërisht njohja e pavarësisë së Kosovës ajo që do të jetë testi themelor i demokracisë në Serbi. Një Serbi demokratike do ta njohë pavarësinë e Kosovës”, ka deklaruar Kurti.
Por, pritjet e Kurtit nuk përputhen me vlerësimet e disa njohësve të zhvillimeve politike në rajon dhe as me deklaratat që përfaqësuesit e Listës Studentore kanë dhënë deri më tani për Kosovën.
Ndryshimi i pushtetit në Beograd, pas humbjes së Aleksandar Vuçiqit, ka krijuar pritje për një shkëputje nga politikat e deritanishme. Por, sipas vlerësimeve të njohësve, kjo shkëputje mund të jetë më e dukshme në politikën e brendshme dhe në raportet me disa shtete të rajonit, ndërsa Kosova mund të vazhdojë të mbetet përjashtim.
admin7