By admin7 
Një ngjarje dramatike ndodhi mëngjesin e sotëm në një fluturim të kompanisë Ryanair nga Aeroporti në Selanik drejt Mynihut. Incidenti, i cili tronditi pasagjerët, ndodhi menjëherë pas ngritjes së avionit.
Gjatë fluturimit u dëgjua një zhurmë e fortë, pas së cilës u thye njëra nga dritaret e avionit, ka deklaruar një prej pasagjerëve për portalin rthess.gr.
Si pasojë, presioni në kabinë ra ndjeshëm dhe u aktivizuan maskat e oksigjenit. Sipas dëshmitarëve okularë, momenti më kritik ishte kur pasagjeri i ulur pranë dritares së thyer u tërhoq nga forca e presionit. Ai kishte dalë me shpatulla jashtë avionit, kur pasagjerët që ndodheshin pranë filluan ta tërhiqnin brenda. Mes tyre ishte edhe bashkëshortja e tij, e cila e mbante fort nga këmbët, kanë deklaruar dëshmitarët për Radio Selanik.
Pasagjeri arriti të shpëtojë falë faktit se kishte të lidhur rripin e sigurisë.
Piloti ndryshoi menjëherë itinerarin dhe kërkoi ulje emergjente, pas së cilës avioni u ul në mënyrë të sigurt.
admin4