By admin 
Të dashur bashkëvendas, mërgimtarë dhe bamirës,
Sot po ju drejtohemi me një apel nga zemra, me shpresën se së bashku mund t’i dalim në ndihmë një familjeje që ka mbetur pa shtëpi.
Në Hasanbeg, një shtëpi është përfshirë nga zjarri dhe është dëmtuar rëndë. Pas vlerësimit të gjendjes së saj, është konstatuar se ajo nuk mund të rikonstruktohet dhe duhet të prishet e të ndërtohet përsëri nga themelet.
Ne kemi marrë përsipër përgjegjësinë për ndërtimin e kësaj shtëpie, por për ta realizuar këtë mision humanitar kemi nevojë për ndihmën e të gjithëve.
Sot, më shumë se kurrë, kjo familje ka nevojë për dorën tuaj.
Ju lutemi, secilit prej jush që ka mundësi, të kontribuojë me aq sa mundet. Nuk ka rëndësi sa është ndihma – e madhe apo e vogël. Çdo kontribut është një tullë më shumë, një derë që hapet dhe një shpresë që rikthehet.
Le të bëhemi bashkë dhe t’i tregojmë kësaj familjeje se nuk është vetëm. Le t’ua kthejmë buzëqeshjen, sigurinë dhe ngrohtësinë e një shtëpie.
“Kush ia largon besimtarit një brengë të kësaj bote, Allahu do t’ia largojë një brengë të Ditës së Kijametit.”
Për më shumë informacione dhe për të kontribuar:
Burim Ibraimi – 075/210-561
Xhirollogaria e Shoqatës:
270-0776468501-11
Halkbank
FaktiDitor.info u bën apel të gjithë bashkëvendasve, mërgimtarëve dhe bamirësve që të bashkohen në këtë nismë humanitare.
Një dorë e zgjatur sot mund të bëhet një çati mbi kokën e një familjeje nesër.
Së bashku mund të ndërtojmë më shumë se një shtëpi – mund të ndërtojmë shpresë, solidaritet dhe një të ardhme më të mirë.
admin7