By admin4 
Ish-sulmuesi i Leicester Cityt, Jamie Vardy, ka zbuluar një histori interesante për ish-bashkëlojtarin e tij, N’Golo Kante, duke treguar se mesfushori francez fillimisht kishte dëshirë të përfaqësonte Kombëtaren e Malit.
Sipas Vardyt, Kante donte të luante për vendin e origjinës së babait të tij, për të nderuar rrënjët familjare, por më vonë vendosi të pranonte ftesën e Francës, shkruan Indeksonline
“N’Golo Kante donte të përfaqësonte Malin, jo Francën, për të nderuar rrënjët e babait të tij. Ne e bindëm se me Francën do ta fitonte Kupën e Botës.”, ka rrëfyer Vardy.
Vendimi rezultoi i duhuri, pasi mesfushori ishte një nga protagonistët kryesorë të Francës që fitoi Kupën e Botës në vitin 2018 në Rusi.
Vardy ndau edhe një histori që pasqyron thjeshtësinë dhe karakterin e mesfushorit.
“Kur luante te Chelsea, ai vazhdonte të ngiste një Mini Cooper. Një bashkëlojtar bëri shaka me makinën e tij, por në vend që të blinte një supermakinë, Kanté ia dhuroi Mini Cooper-in prindërve të tij në fshat dhe bleu një tjetër për vete.”
/Indeksonline/
“N’Golo Kanté wanted to represent Mali, not France 😳, to honor his father’s roots. We convinced him he’d win the World Cup with France. At Chelsea, he even gave his Mini Cooper to his parents at the village and bought another when his teammate make fun of him.”
— Jamie Vardy pic.twitter.com/435JOastcH
— carter🌚 (@carter8f) July 22, 2026