Mexhiti uron Kurtin për fitoren: “Urime Kosovë, qytetarët folën me votë”

Kryetari i Lëvizjes Demokratike, Izet Mexhiti, ka uruar Albin Kurti dhe Lëvizja Vetëvendosje për fitoren në zgjedhjet parlamentare në Kosovë.

Përmes një reagimi publik, Mexhiti vlerësoi se rezultati zgjedhor përbën një konfirmim të besimit të qytetarëve në drejtimin politik të vendit. Ai theksoi se vota e qytetarëve pasqyron vullnetin demokratik dhe mbështetjen për vazhdimësinë e agjendës qeverisëse.

“Urime Kosovë”, shkroi Mexhiti, duke e cilësuar rezultatin si një mesazh të qartë të qytetarëve për të ardhmen politike të vendit.

Sipas tij, zgjedhjet dëshmuan pjekurinë demokratike të qytetarëve dhe besimin në institucionet e Kosovës.