Valmira Stublla ka ndërruar jetë më 8 tetor, në moshën vetëm 27-vjeçare. Lajmi i trishtë ka prekur familjen dhe të gjithë ata që ditë më parë iu bashkuan thirrjes për ta ndihmuar financiarisht, me shpresën se ajo do të arrinte të kryente transplantimin e veshkës jashtë vendit.
Për Valmirën ishte organizuar një thirrje publike për ndihmë, pasi ajo kishte nevojë për një ndërhyrje të transplantimit të veshkës jashtë vendit. Për këtë trajtim nevojiteshin 30 mijë euro, shumë të cilën familja Stublla nuk kishte mundësi ta siguronte e vetme.
Thirrja për solidaritet ishte shpërndarë në rrjetet sociale, duke u bërë apel qytetarëve që të kontribuonin për t’i dhënë 27-vjeçares një mundësi për trajtim dhe shpresë për jetë.
Megjithatë, më 8 tetor, familjarët njoftuan lajmin e rëndë për ndarjen e saj nga jeta, duke lënë në pikëllim të afërmit dhe të gjithë ata që u solidarizuan me rastin e saj.
Varrimi i Valmira Stubllës do të bëhet sot, më 9 tetor, në orën 15:00, në varrezat e fshatit Halabak të Podujevës.
Ndarja e saj nga jeta në një moshë kaq të re është një lajm i dhimbshëm, veçanërisht për ata që ditë më parë shpresonin se ndihma dhe solidariteti i qytetarëve do t’i mundësonin trajtimin e nevojshëm.
Sulm me raketa në aeroportin e Riadit, tre të vdekur – Lufthansa pezullon fluturimet
admin7 
admin