Kosova kryen edhe stërvitjen e tretë (Foto)

Përfaqësuesja e Kosovës ka kryer edhe stërvitjen e tretë në Finlandë.

Të drejtuar nga trajneri Albert Bunjaku, djemtë kosovar kanë kryer përgatitjet e duhura para sfidës me Finlandën.

“Në paraditen e sotme Përfaqësuesja e Kosovës mbajti seancën e tretë me radhë pas akomodimit në Finlandë”.

“Futbollistët u angazhuan duke aplikuar lojën në trysni dhe kundër zbritjet e shpejta me kombinime të ndryshme e përshkuar me aksione të rrjedhshme. Në stërvitje po punohet me përkushtim dhe të gjithë futbollistët janë të bindur në një rezultat pozitiv në ndeshjen kundër Finlandës”, thuhet në njoftimin e Federatës së Futbollit të Kosovës.

Ndeshja mes Finlandës dhe Kosovës do të zhvillohet në qytetin Turku të hënën në ora 20:45.