Deputetja e Partisë Demokratike të Kosovës, Blerta Deliu-Kodra, ka kërkuar sot dorëheqje dhe përgjegjësi institucionale pas vrasjes së Arlinda Zekajt në Vitomiricë të Pejës.
Ajo në seancën e jashtëzakonshme të Kuvendit ka kritikuar mungesën e veprimeve konkrete për parandalimin e dhunës ndaj grave, duke theksuar se deklaratat dhe dënimet publike nuk janë të mjaftueshme.
Deputetja e PDK-së iu drejtua edhe përfaqësuesve të qeverisë, duke kërkuar që të mos pritet një rast tjetër i vrasjes për të diskutuar sërish në Kuvend. Ajo theksoi se dikush duhet të marrë përgjegjësi për dështimin e institucioneve në mbrojtjen e Zekajt.
admin7