By admin2 
Kryetari i Bashkimi Demokratik për Integrim, Ali Ahmeti, ka konvokuar mbledhjen e tretë të Kryesisë së Këshillit të Përgjithshëm, ku në fokus ishin zhvillimet aktuale politike dhe sfidat kyçe në vend.
Në këtë takim u diskutua veçanërisht për respektimin e Marrëveshja e Ohrit, përfaqësimin e drejtë dhe adekuat, si dhe për tendencat që, sipas BDI-së, rrezikojnë balancën ndëretnike dhe funksionimin demokratik të institucioneve.
Një pjesë e rëndësishme e mbledhjes iu kushtua edhe organizimit të brendshëm partiak, me theks në forcimin e strukturave në terren si përgjigje ndaj zhvillimeve të reja politike.
Në këtë kuadër, Ahmeti prezantoi edhe emërimet e reja në degët partiake:
Bogovinë – Elez Ramadani
Jegunovcë – Valon Nuhiu
Shuto Orizarë – Ilaz Leskovica
Nga Bashkimi Demokratik për Integrim theksojnë se vendi ndodhet në një periudhë të ndjeshme politike, ku kërkohet qartësi, përgjegjësi dhe vendosmëri për mbrojtjen e arritjeve strategjike dhe të drejtave të qytetarëve.
BDI rithekson përkushtimin për forcimin e strukturave partiake, ruajtjen e stabilitetit politik dhe avancimin e proceseve demokratike në vend.
admin