Kim Kardashian u takua sërish me prezantuesin e Formula 1, Martin Brundle, disa muaj pasi takimi i tyre i sikletshëm në Çmimin e Madh të Monakos u bë viral.
Këtë herë, ylli i reality show-ve dhe sipërmarrësja ishte shumë më e gatshme për të biseduar, madje bëri edhe shaka për takimin e tyre të mëparshëm, transmeton Indeksonline.
Ajo mbërriti në Singapor për të mbështetur partnerin e saj, pilotin e Ferrarit, Lewis Hamilton, raporton Unilad.
Brundle iu afrua Kardashianit para garës së së dielës në Singapor, ndërsa ajo ndodhej në garazhin e Ferrarit. Pasi u përshëndetën, të dy buzëqeshën dhe Kim përmendi menjëherë takimin e tyre të mëparshëm.
„A nuk i dija rregullat? Mos e nisëm me këmbën e gabuar?”, e pyeti ajo duke qeshur.
„Jo, gjithçka është në rregull”, u përgjigj Brundle, duke shtuar se ishte i lumtur që po e shihte përsëri në garë.
Më pas, ai e pyeti se çfarë mendonte për Formula 1.
„Mendoj se është e jashtëzakonshme, argëtuese dhe e çmendur. Nuk kam parë kurrë diçka të tillë më parë. Është vërtet e pabesueshme”, u përgjigj Kardashian.
Biseda më pas kaloi te Lewis Hamilton, për të cilin Brundle tha se ishte në formë të shkëlqyer.
„Po, është. Thjesht lutem që sonte gjithçka të shkojë sa më mirë”, tha Kim.
Kur u pyet nëse Hamilton ishte i sigurt në vetvete para garës, ajo u përgjigj: „Po, është shumë i sigurt. Edhe unë jam. Thjesht duhet të lutemi për rezultatin më të mirë të mundshëm.”
Në fund, Hamilton e përfundoi garën në vendin e gjashtë, rreth 53 sekonda pas fituesit Max Verstappen të Red Bullit. Për Verstappenin, kjo ishte fitorja e dytë radhazi
admin4