Deputeti i Partisë Demokratike të Kosovës, Përparim Gruda, ka thënë se Ligji për Specialen nuk ka asnjë gabim.
Në një shkrim në llogarinë e tij në Facebook, ka thënë se është krenarë me punën që aid he ekipi e kanë bërë në hartimin e këtij ligji.
“Ligji për ndryshimin e Ligjit për Dhomat e Specializuara nuk ka asnjë gabim. Asnjë. Jam krenar për punën që kam bërë, bashkë me ekipin me të cilin e kemi hartuar këtë ligj. Është konsultuar me këdo që është dashur të konsultohet.
Si nisi gjithçka?
“Kosova ka të drejtë me ndërru ligjin”: Gruda citon vendimin e Hagës që, sipas tij, i jep të drejtë PDK-së rreth ligjit për Specialen
Unë qëndroj sot, dhe do të qëndroj deri në fund, prapa çdo shkronje të këtij ligji. E di sa punë, sa përpjekje dhe sa përgjegjësi ka pasur pas tij”, ka thënë ai.
Tutje, Gruda ka thënë se nuk tërhiqet nga bindja dhe puna e tij. Ai ka shtuar se çdo hap i mëtejshëm “duhet të na afrojë drejt një drejtësie të pavarur që e mbron luftën çlirimtare”.
“Do të kisha preferuar që sot të flisnim për zbatimin e ligjit, jo për rihapjen e debatit mbi të. Megjithatë, nëse Kuvendi e rishqyrton, kjo duhet të bëhet me përgjegjësi, me argumente juridike dhe me vendosmëri për ta ruajtur thelbin e tij.
Unë nuk tërhiqem nga bindja ime, nuk distancohem nga puna ime dhe nuk heq dorë nga qëllimi për të cilin ky ligj u hartua. Çdo hap i mëtejshëm duhet të na afrojë drejt një drejtësie të pavarur që e mbron luftën tonë të drejtë çlirimtare, jo të na largojë prej saj.
Për të tjerat, këtu do të jemi dhe do të flasim”, ka thënë tutje ai.
admin7