Gjatë fundjavës së ardhshme mund të ketë ndërprerje dhe kufizime të përkohshme në shërbimet bankare. Shoqata Bankare Maqedonase informon se të gjitha bankat më 7 dhe 8 nëntor do të kryejnë përshtatje teknike të sistemeve të tyre, për shkak të futjes së standardeve të reja në qarkullimin e pagesave në denarë, të cilat hyjnë në fuqi nga e hëna, 9 nëntor.
Kufizimet do të prekin më së shumti transakcionet e pagesave, por oraret e sakta, shërbimet që do të preken dhe kohëzgjatja e ndërprerjeve do t’i njoftojë secila bankë veç e veç.
Nga Shoqata u bëjnë thirrje qytetarëve dhe kompanive që t’i planifikojnë pagesat me kohë dhe t’i ndjekin njoftimet e bankave të tyre, për të shmangur probleme eventuale gjatë fundjavës.
Nga e hëna fillon zbatimi i urdhërpagesave të reja, i kodeve të reja për qëllimin e pagesës dhe i përdorimit të llogarive të pagesave në formatin IBAN. Numrat ekzistues të llogarive nuk do të ndryshojnë, ndërsa shfaqja e tyre në formatin e ri në bankarinë elektronike dhe mobile do ta përshtasin automatikisht bankat.
Nga Shoqata Bankare Maqedonase sigurojnë se bëhet fjalë për aktivitete teknike të planifikuara paraprakisht, që janë pjesë e modernizimit të sistemit kombëtar të pagesave.
admin7 
Admin 9