By admin5 
Presidenti i Shteteve të Bashkuara të Amerikës, Donald Trump, ka nominuar disa kandidatë për poste ambasadorësh, përfshirë ambasadorët e disa vendeve të Ballkanit Perëndimor.
Michael Young nga Utah, është propozuar si ambasador i jashtëzakonshëm dhe fuqiplotë i SHBA-së në Serbi, Ronald Johnson nga Massachusetts është nominuar për ambasador në Bosnjë dhe Hercegovinë, ndërsa Peter McCoy nga Karolina e Jugut është propozuar për ambasador në Mal të Zi.
Sipas procedurës amerikane, nominimet bëhen nga Presidenti dhe dërgohen në Senat, i cili zhvillon seanca dëgjimore dhe më pas voton për konfirmimin ose refuzimin e tyre.
Përveç posteve diplomatike, nominimet përfshijnë edhe pozicione të tjera të larta në administratën amerikane, si prokurorë federalë, inspektorë të përgjithshëm dhe anëtarë të komisioneve rregullatore. Mes tyre janë Carl Anderson nga Virxhinia, i nominuar për inspektor të përgjithshëm të Departamentit të Shtetit, Gay Bay për një post në Departamentin e Shëndetësisë dhe Shërbimeve Njerëzore, si dhe Johnny Figueroa nga Tenesi për një rol në diplomacinë globale shëndetësore dhe luftën kundër HIV/AIDS.
Të gjitha nominimet i nënshtrohen konfirmimit nga Senati i Shteteve të Bashkuara.