Faza më e rëndë e sistemit të stuhisë, i njohur si DANA, ka goditur qytetin spanjoll të Valencias me intensitet të madh.
Reshjet e dendura të shiut gjatë natës — me sasi që arritën deri në 700 litra për metër katror në disa zona — kanë shkaktuar përmbytje që kanë izoluar disa qytete bregdetare, duke filluar nga jugu i Gandías e deri në Oliva.
Deri më tani, stuhia ka marrë dy jetë njerëzish: një në Cabrera de Mar, pranë Barcelonës, dhe një tjetër në Sagunto, në Komunitetin e Valencias.
Shërbimet e emergjencës po kryejnë operacione shpëtimi duke përdorur varka në Oliva, si dhe helikopterë në pjesë të tjera të veriut të Alicantes. Mësimi është pezulluar për rreth 81,000 nxënës në provincën e Valencias dhe rreth 22,000 në provincën e Alicantes — veçanërisht në qytetet e goditura rëndë nga shiu, si Dénia, Pego, Xàbia dhe Calp, ndër të tjera.
Kryeministri Pedro Sánchez publikoi një mesazh në rrjetet sociale, duke u bërë thirrje banorëve në zonat e prekura që të shmangin lëvizjet dhe të qëndrojnë në katet e sipërme të ndërtesave të tyre.
Gjithashtu, janë në fuqi alarme të nivelit portokalli për motin në Barcelonë, Girona, Tarragona, Ibiza, Formentera, Mallorca dhe Menorca.
admin5