Një operacion i madh policor është zhvilluar të enjten mbrëma në qytetin zviceran të St. Gallenit, pas një incidenti ku dyshohet se një shtetas 51-vjeçar i Maqedonisë së Veriut ka sulmuar fizikisht një 36-vjeçar polak.
Ngjarja ka ndodhur më 29 tetor, rreth orës 21:20, në një ndërtesë në rrugën Metzgergasse. I dëmtuari ka deklaruar se ishte goditur me një revolver, çka bëri që policia të ndërmarrë një aksion të gjerë, duke dyshuar për përdorimin e armës së zjarrit.
Në vendngjarje kanë mbërritur disa patrulla policore, njësi speciale dhe negociatorë. Për arsye sigurie, dy rrugë janë bllokuar, ndërsa mysafirët e restoranteve dhe lokaleve përreth janë evakuuar.
Pak para mesnatës, policia ka arrestuar 51-vjeçarin maqedonas.
Megjithatë, gjatë hetimeve është konstatuar se nuk ishte përdorur armë zjarri, por një karabinë metalike, e cila është gjetur dhe konfiskuar gjatë kontrollit në banesën e të dyshuarit.
Pas përfundimit të veprimeve policore, 51-vjeçari është liruar.
Sipas policisë zvicerane, bëhet fjalë për një vepër penale që ndiqet mbi bazën e kallëzimit të të dëmtuarit. Deri në momentin e publikimit të informacionit, një kallëzim i tillë ende nuk ishte paraqitur.
Publikohet letra që Gazmend Hoxha i dërgoi Kurtit, bashkë me dorëheqjen e tij
admin 
admin7