By admin 
Manchester City mund të përballet me pasoja të rënda financiare dhe sportive nëse shpallet fajtor për 115 akuzat e ngritura nga Premierliga për shkelje të rregullave financiare.
Sipas raportimeve të “The Times”, Arsenali, Liverpooli, Manchester Unitedi dhe Tottenhami kanë ndërmarrë hapa ligjorë për të ruajtur të drejtën e kërkimit të dëmshpërblimit, që mund të kalojë shifrën e 100 milionë paundëve për secilin klub.
Këto klube pretendojnë se mund të kenë pësuar humbje të mëdha financiare për shkak të suksesit të Cityt, duke humbur vende në Ligën e Kampionëve dhe të ardhura të konsiderueshme gjatë viteve të fundit.
Manchester City vazhdon t’i mohojë me forcë të gjitha akuzat, ndërsa vendimi përfundimtar i procesit pritet të publikohet para nisjes së sezonit 2026/27. Në rast se shpallet fajtor, kampioni anglez mund të përballet me zbritje pikësh, gjoba milionëshe, ndalim transferimesh dhe tani edhe me padi të mundshme nga rivalët e tij më të mëdhenj.
Ky mund të jetë një nga skandalet më të mëdha në historinë e futbollit anglez, me pasoja që mund të ndryshojnë përgjithmonë peizazhin e Premierligës.