By admin4 
Didier Deschamps mbrëmë pati ndeshjen e tij të fundit si trajner i Francës.
14 vite zgjati aventura e tij, ku e shndërroi Francën në një kombëtare elitare pas skandalit që e kishin pasur në Botërorin e 2010-tës.
Pasardhësi i tij pritet të jetë një tjetër legjendë, Zinedine Zidane me të cilin kishin luajtur bashkë si me “Les Bleus” ashtu dhe Juventusin.
Më tutje ai foli rreth kësaj çështje, duke i lënë dhe një mesazh pasardhësit të tij.
“Trashëgimia që i lë pasardhësit tim? Potenciali është aty. Ka disa lojtarë të jashtëzakonshëm që do të rriten nga kjo përvojë. Gjithçka është në vend që kjo skuadër e Francës të mbetet në nivelin më të lartë. I uroj më të mirën Francës dhe pasardhësit tim. Pas kësaj, do të bëhem një mbështetës i heshtur. A do të flas me të? Askush nuk më ka pyetur asgjë ende. Tani për tani, po planifikoj të shkoj me pushime dhe të kaloj kohë me familjen time, por do ta shohim”, deklaroi Deschamps.
Deschamps, pati sukses me Francën ku e fitoi Botërorin në vitin 2018, duke u bërë i treti që e fiton atë si lojtar dhe trajner, pas Zagallos dhe Beckenbauerit./IndeksOnline/